With the Name of ALLAH.........HAMD

TU GARM E SAFAR KON SI MANZIL MAY NAHI HAY

Tu Gul May Nahi Hay Keh Anadil May Nahi Hay
Qatil May Nahi Hay Keh Tu Bismil May Nahi Hay

Zakir May Nahi Hay Tu Shaghil May Nahi Hay
Charcha Tera Kis Maskan o Manzil May Nahi Hay

Suraj Pe Nazar Daloun Keh May Chand Ko Daikhoun
Aey Dost Tu Kis Majlis o Mehfil May Nahi Hay

Kabah Ho Kaleesa Ho Keh Buth Khana o Masjid
Tu Garm e Safar Kon Si Manzil May Nahi Hay

Zulmat Ke Siwa Noor Kahan Tera Chamakta
Ya Yeh He Batadey Mughey , Tu Gil May Nahi Hay

Wirsa May Milli Hazrat e Adem Se Ye Hum Ko
Wo Aadmi Kia Jo Kisi Mushkil May Nahi Hay

Aey Waeez e Nadaan Tu Issay Khoub Samaghlay
Khushnudi aey Rab Rooz Ki Kil Kil May Nahi Hay

Patthar Se Bhi Bethtar Na Oussay Kis Liay Samaghoun
Ulfat Teray Mehboob (s.a.w.) Ki Jis Dil May Nahi Hay

Har Nafs Ko Chakna Hay Mazah Moat Ka Mehmood
Jana Kisay Uof Qabr Ki Manzil May Nahi Hay
--------------------------------------------------------------------
Zarray Zarray Se Aayaan Gher Tu Nahi Tau Kon Hay
Jalwa Der Jalwa Nehaan Gher Tu nahi Tau Kon Hay

Maalik e Loh o Qalam Aey Sahhib e Ja ho Hasham
Haakim e Dou Jahan Gher Tu Nahi Tau Kon Hay

Ya Ellahi Teray He Der Ke Sabhi Mohtaaj Hain
Khalq Ka Roozi Rasaan Gher Tu Nahi Tau Kon Hay

Qadir e Har Juz o Kul Aey Maalik e Mukhtaar e Kul
Aey Makeen e La Makaan Gher Tu Nahi Tau Kon Hay

Teray Der Se Ut Ke Mehmood e Hazeen Jaaey Kahan
Quwatay Har Natawaan Gher Tu Nahi Tau Kon Hay
------------------------------------------------------------------
JAB BHI DIL! DIL SE KABHI MEHVEY DUAA HOTA HAI..!

Jab Nahi Paas Koi Hota Khuda Hota Hay
Kisi Aalam may Na Wo Hum Se Juda Hota Hay

Koi Rung Aesa Bhi Hay Jis May Mouassaar Wo Nahi
Jalway Jalway May Wohi Jalwanuma Hota Hay

Apni Aaghoush May Lay Leti Hay Rehmat Ous Ki
Jab Bhi Dil! Dil Se Kabhi Mehvvey Duaa Hota Hay

Ous Ki Telkhee Ko Jo Sehtay Hain Wo Ye Kehtay Hain
Sabr Mai Kia He Ajab Sheereen Maza Hota Hai

Jab Madadgar o Nighayban Hay Khuda Aey Mehmood
Dushmani Laakh Karey Koi Tau Kia Hota Hay.